IncenDiario🔥

Publicacións

Lumes: hai prevención na rede galega de espazos protexidos?

A rede galega de espazos protexidos é competencia directa da Consellería de Medio Ambiente, onde manda a procaz, por atrevida, Ángeles V., máximo exponente da “patada a seguir” do rugby trasladada á política galega. Acaba de presentar unha serie de medidas para mellorar a prevención en espazos protexidos. Entre outras, incrementar a porcentaxe permitida de rozas ou desbroces do 20 ao 30% en espazos da Rede Natura. Pero se nin se quer alcanzaba o 5% a superficie media desbrozada en calquera dos espazos desa rede!? A política da “patada a seguir” consiste en avanzar as liñas cando as acusacións desvendan as carencias propias. Entón, que fai esta banda do Clube Tangaraño, tamén coñecida como PPdeG? Pois adiantarse e aprobar novas directrices que eran precisamente as que ou viñan boicoteando pola vía dos feitos - desbroces nas faixas secundarias de xestión de biomasa – ou renegando delas porque non vían a súa necesidade - os desbroces en áreas protexidas -. En non poucas ocasió...

Ler máis

Sainete do lume na montaña de Ourense

- 30.9.25

“Os seres humanos son naturalmente propensos a crer virtuosos aos seus semellantes; isto é precisamente o que da tanta vantaxe aos impostores e aos estafadores.” Ferdinando Galiani A sucesión dos tráxicos acontecementos incendiarios rexistrados en Galicia o pasado mes de agosto tivo un triste foco iniciático. Cando compuxemos aquelas “reflexións dun incendiario” coas que dabamos inicio a este blog , sabíamos da gravidade dese foco. Prendido no arredado lugar do Acebral, pronto as lapas gatuñaron aos cumes da Serra de Queixa para, desde o alto do Seixo, primeiro como fume e despois como labaradas nocturnas, petar no ánimo dese incomprensible e fuxidío colectivo incendiario. Tal como Mordor cando invocaba á maldade na triloxía fantástica de Tolkien, deseguida prenderon focos no Castro de Escuadro (Maceda) e Paredes (Montederramo) para, uns días máis tarde, arrincar outros lumes en Larouco ou A Mezquita. Convertido o sudeste do país nunha grande pira, aparecerían novos lumes mái...

Ler máis

A factura dos lumes de 2025

- 26.9.25

Podes enganar a todo o mundo algún tempo. Podes enganar a algúns todo o tempo. Pero non podes enganar a todo o mundo todo o tempo. (Abraham Lincoln) Casas queimadas, predios arrasados, gando calcinado.., e danos ecolóxicos difíciles de estimar. Con todo, o maior montante desa factura é unha idea. Resúmea esta frase: “ É como intentar parar un tsunami “(El País, 17-VIII-2025). A idea de que estiveron construíndo un modelo de combate dos incendios baseado case en exclusiva na extinción e que, despois de alimenta-lo con centos de millóns de euros, resulta que agora o tal modelo foi varrido, desintegrado polos feitos consumados . Os operativos de extinción non serven con eses “megaincendios”. Enchen os medios de comunicación con frases como que “ a propagación alcanza velocidades insólitas, calquera operativo se ve desbordado nesas condicións ”. Entón, cando hai poucos meses o goberno do presidente neumático se gababa de ter o mellor e máis profesional operativo de extinción, qu...

Ler máis

Unha tese ben simple: a responsabilidade da Xunta e do PP por inacción

- 23.9.25

En Galiz(i)a a todo o mundo, ou a case todo, lle gusta andar de festa. Temos un santoral inesgotábel que aproveitamos como ninguén. Somos a terra verbeneira por excelencia, con permiso ou sen permiso do norte de Portugal. Pero gustar da festa non significa evitar a loita. De feito, durante moito tempo ambas pulsións eran indisociábeis en non poucas parroquias. E o acontecido neste verán de 2025 pide loita, e pide saber contra que e contra quen loitar. Do colectivo incendiario xa falamos na entrega fundacional deste blog. Toca valorar a función de quen goberna. A renuncia política á prevención A tese é ben simple. En 2007 fíxose unha lei para poder enfrontar as múltiples responsabilidades e complicacións existentes na prevención de incendios, nun país con case 30.000 núcleos de poboación. Un dos principais obxectivos da lei era meterlle man ás propiedades e predios que arrodean eses 30.000 núcleos - as denominadas faixas secundarias de xestión de biomasa -. Se a pr...

Ler máis

Unha casa en ruínas

- 18.9.25

Unha casa en ruínas “O que conta non é o feito de transpirar como as plantas, nin o feito de respirar como o gando, nin o feito de ser movido como un monicreque polos instintos, xa que todo o anterior só se parece á función de eliminar o residuo dos alimentos. Que é, entón, o que conta? Aplaudir? Non. Polo tanto tampouco conta o aplauso das linguas, xa que a louvanza das masas só é un ruidoso aplauso das linguas.” Marco Aurelio (170 d.C.-180 d.C.), Meditacións Lamentabelmente, hai que iniciar esta comunicación de hoxe confirmando o que xa sabiamos. Ángeles Vázquez, Conselleira de Medio Ambiente , é o epítome da ruindade do seu departamento. Para as persoas que descoñezan o significado desa palabra, e apostaría que a aludida pode ser unha delas, hai que dicir que procede do grego epitomē , que significa algo así como “o resumo do escrito”. E temos que recoñecer que para calificar o percorrido desa consellaría non existe outro epíteto máis acaído que o de ruín. Nes...

Ler máis

Abrazar a dor e atacar

- 18.9.25

Abrazar a dor e atacar Debemos abrazar a dor e queima-la como gasolina para a nosa viaxe (Kenji Miyazawa) En xullo de 2022 vimos arder as montañas do Courel. Apenas uns días máis tarde o lume devoraba as do Macizo Central. En ambos casos, unha tormenta de raios, 4.000 caídos na noite do 15 de xullo, fora a causa dos lumes. 2011, 2006, 2005, 1995 ou 1989 foran anos fatídicos para as nosas montañas. Pero nada como o acontecido neste verán de 2025. É por iso que un grupo de profisionais, axentes ambientais, biólogos, conservacionistas, naturalistas.., nos reunimos para conversar sobre as posibilidades de contribuír para mudar as cousas. Para transformar a actual vergoña e impotencia. Para sinalar. Para contrastar, ponderar e acusar. Para construír unha alternativa que vaia abríndose paso entre o actual abandono, desinterese e perversión institucional e política. Comezamos esta andaina cun texto que procuraba verter con crueza o pensam...

Ler máis

Reflexións dun incendiario

- 11.8.25

Reflexións dun incendiario Agosto de 2025. Lumes en Requeixo, O Castro de Escuadro, Mormentelos, Paredes... “Meu fillo xa vai para 30 anos prendendo lume no monte. Un xa vai vello e non pode ocuparse de todos. Creo que lle adeprendín ben o oficio. Como meu pai fixo comigo, seu pai con el e así ata perderse no tempo. Eiquí sempre se pegou lume no monte para que saíse herba para as vacas”. “Daquela, antes dos señoritos dos despachos gobernar, prendíamos o lume sempre case no romate do inverno. A terra aínda estaba fría e húmeda. O vento facía bulir as labaradas, pero non marchaban máis alá de onde querías que ardese. Hoxe, se queres ter pasto tes que prender lume no verán, cando o nordés pon a serra para arder”. "Este é o meu territorio. Aqui fago co lume o que me peta" O Acebral. Foco orixinal do "lume de Chandrexa de Queixa" “Eu sempre vivín das vacas. Antes era moi esclavo. Agora vivo da pensión. Pero sempre, sempre, fun de ...

Ler máis

Buscar neste blog

IncenDiario🔥

Publicacións

Incendios e fauna en perigo (e IV): o lobo (Isabel Barja)

Lumes: hai prevención na rede galega de espazos protexidos?

Sainete do lume na montaña de Ourense

A factura dos lumes de 2025

Unha tese ben simple: a responsabilidade da Xunta e do PP por inacción

Unha casa en ruínas

Abrazar a dor e atacar

Reflexións dun incendiario