IncenDiario🔥

Publicacións

Mostrando publicacións desta data: outubro, 2026

Para que vale o Black Hawk UH 60, o xoguetiño da Conselleira?

Para entender o flamante contrato do UH-60L Black Hawk asinado pola Xunta coa empresa Airworks Helicopters, de Salamanca, e máis o futuro despregamento deste tipo de aeronaves no Estado Español e no resto da Europa máis afectada e sensibilizada polo desafío dos megaincendios, convén que introduzamos algúns factores e botemos man doutros detalles non banais. Para, posteriormente, centrármonos na análise da eficiencia destes aparellos no combate aéreo dos incendios. Vamos con un deses factores necesarios, pero non suficientes..: o colapso Kamov. O denominado colapso dos helicópteros Kamov en Europa refírese á parálise total e á retirada de servizo destas aeronaves rusas de extinción de incendios a raíz das sancións impostas pola Unión Europea á Federación Rusa. Esta situación provocou unha perda de até o 30% na capacidade de descarga e extinción de incendios forestais en países do sur de Europa, especialmente no Estado Español e Portugal, que dependían enormemente do modelo Kamo...

Ler máis

Dámoslle a despedida á Conselleira Mentireira...

- 26.10.26

A Duquesa de Ríofurelos inicia unha nova andaina en Política Social. Deixou meridianamente claro que o Medio Ambiente lle quedaba ben grande. Probabelmente, o seu apoio explícito á minaría, á Altri, ás eólicas ou ás eléctricas non é máis que un reflexo das intencións da Banda das Carrachas e, por extensión, de todo o Club do Tangaraño, tamén coñecido como PPdeG. Mais a especial dedicación, preocupación e insistencia en que tragásemos as sete cuncas de veneno fixérona acredora do máis cruel dos sarcasmos. Despedímo-la, pois, con un pouquiño de agarimo..

Ler máis

O Black Hawk do lume.., a Conselleira xa ten xoguete

- 24.10.26

Como non podía ser doutro xeito, temos que reaccionar axiña ante a nova que anunciou onte o contrato do servizo de aluguer dun helicóptero milagreiro para o combate dos incendios, o Sikorsky UH-60L Black Hawk . Lamentabelmente para o circo de ananos que temos por goberno da Xunta, os principais mass media , ante a voráxine informativa que atravesamos, non lle deron a relevancia que gostarían e a nova ficou un tanto eclipsada polo feminismo de Míster Chícharo Núñez, ou polo look , que se di agora, de andar ás vacas do Perrosanche na entrevista nun late show noxento deses que se levan agora no telemiro. Do cal, por suposto, nos alegramos, porque como avanzamos no seu momento aquí , o tal helicóptero non é máis que un tareco voador que moi pouco vai contribuír á loita contra incendios. E, de entrada nesta entrada, dicir que a compañía que vai prestar o servizo, pola nada desprezábel cantidade de entre 8.2 a 15,5 millóns de euros (dependendo de prórrogas de contrato ou, principalme...

Ler máis

Instrución do xuízo do megaincendio de Los Gallardos: de Mazón a Moreno Bonilla?

- 19.10.26

Deixamos aquí escrito no seu momento que ás autoridades políticas andaluzas lles sobrara tempo para ir correndo aos medios de comunicación a propagar aos catro ventos que as vítimas mortais do incendio de Los Gallardos (9-VII-2026) desatenderan os consellos de evacuación e foran por rutas alternativas á recomendada. Dicíamos, tamén, que apenas uns dias despois algún familiar afirmara con rotundidade que os parentes mortos non recibiran nengunha información de evacuación. Ben. Pois sabemos agora que no procedemento instruído na praza número 3 da Sección Civil e de Instrución do Tribunal de Instancia de Vera (Almería), están a dilucidar e analizar de xeito oficial as responsabilidades, a cronoloxía dos avisos de emerxencia e a sinalización das rutas de evacuación. Porque contrasta, e muito, ese tempo todo que lles sobrou para acusar ás vítimas co que tardaron en activar primeiro o nivel 1 e, despois, o nivel 2; modular un aviso en Es-Alert que nunca se produciu ou solicitar o despr...

Ler máis

A Serra de Queixa un ano despois dos lumes

- 10.10.26

Varias entradas atrás tentamos dar unha idea de como avanzaba o proceso de recuperación tras incendio na desolada Pena Trevinca . A intención desta entrada é facer o propio coa Serra de Queixa. Esta serra é parte do máis extenso Lugar de Importancia Comunitaria da Rede Natura 2000 en Galiza, o denominado “Macizo Central”, que xa temos comentado que nen é macizo nen é central. Tampouco é acaído denominar a este grande espazo como “Serra de Queixa”, serra que pode entenderse como aquela que inclúe os montes pertencentes ao concello de Queixa ou Chandrexa de Queixa. Pois o tal “Macizo Central” é un conxunto montañoso que abrangue desde o cume máis alto, Cabeza Grande, situado no concello de Maceda de Trives, até os lombos e cabezos que xa son de Castrelo do Val, Laza ou Vilariño de Conso, incluído a vertente norte e oriental da Serra de San Mamede, boa parte dela xa do concello de Montederramo. Mais a de Queixa é a serra máis importante por extensión. Foi, como dicíamos nesta entrad...

Ler máis