Para que vale o Black Hawk UH 60, o xoguetiño da Conselleira?

-
Imaxe
  Para entender o flamante contrato do UH-60L Black Hawk asinado pola Xunta coa empresa Airworks Helicopters, de Salamanca, e máis o futuro despregamento deste tipo de aeronaves no Estado Español e no resto da Europa máis afectada e sensibilizada polo desafío dos megaincendios, convén que introduzamos algúns factores e botemos man doutros detalles non banais. Para, posteriormente, centrármonos na análise da eficiencia destes aparellos no combate aéreo dos incendios. Vamos con un deses factores necesarios, pero non suficientes..: o colapso Kamov. O denominado colapso dos helicópteros Kamov en Europa refírese á parálise total e á retirada de servizo destas aeronaves rusas de extinción de incendios a raíz das sancións impostas pola Unión Europea á Federación Rusa. Esta situación provocou unha perda de até o 30% na capacidade de descarga e extinción de incendios forestais en países do sur de Europa, especialmente no Estado Español e Portugal, que dependían enormemente do modelo Kamo...
Publicar un comentario

Incendios e conservación da biodiversidade

-

 

Vimos nas últimas entradas que incendios tan enormes como o que afectou ao macizo da Pena Trevinca poden ter efectos severos, mesmo irreversíbeis, sobre os hábitats nos que sobreviven  especies vulnerábeis ou ameazadas da nosa fauna. Nos próximos anos, a política de combate do lume e, especialmente, as medidas que se impulsen no plano preventivo, serán fundamentais para deseñar un programa real que garanta a supervivencia desas especies ameazadas. Dalgún xeito, e máis alá do estímulo que poidan imprimir os riscos de emerxencia civil ou os danos económicos, os eixos que vertebren esa política demostrarán até que punto están comprometidos os gobernos na conservación da biodiversidade.

Foto: J. González-Esteban

Parece preciso lembrar que tal obxectivo, a conservación da biodiversidade, entrou nas axendas políticas dos gobernos a raíz da aprobación do Convenio sobre a Diversidade Biolóxica aprobado no Cume de Rio de Janeiro de 1992. Desde aquela, hai máis de 34 anos, a biodiversidade pasou de ser un problema estritamente ecolóxico a reforzar un compromiso político e xurídico vinculante para os países asinantes do tal convenio. Por primeira vez, recoñeceuse que a conservación da diversidade biolóxica é "unha preocupación común da humanidade" e parte integral do desenvolvimento sustentábel. Non parece oportuno agora que se teñan que arrombar eses principios.

Co obxectivo, pois, de divulgar os riscos aos que se enfrontan algunhas destas especies, nas próximas entradas Incendiario tratará de contribuír ao debate das medidas que se deberían ou poderían implementar para evitar que as consecuencias dos lumes se sumen aos factores negativos que xa estaban a operar, nalgúns casos de forma dramática, sobre as poboacións de catro especies da nosa fauna ben distintas. Abordaremos con catro especialistas no estudo da fauna o presente e o futuro de especies como a toupa de río ou “desmán” Galemys pyrenaicus, a choia ou gralla de bico vermello Pyrrhocorax pyrrhocorax, unha pequena especie de córvido, a perdiz de montaña ou charrela Perdix perdix hispaniensis, e o lobo Canis lupus. As tres primeiras son tesouros que apenas cotizan no olimpo simbólico e venerado das especies ameazadas, como así fai o último. Modestas especies cuxas poboacións se apagan en silencio, como non hai moito aconteceu co noso arao Uria aalge. No caso da toupa de rio, trátase dun endemismo único, que só existe na Península Ibérica e na vertente norte dos Pireneos. E ademais non existe no mundo ningunha outra especie equivalente, e hai que viaxar ás bacías dos ríos que van dar ao Mar Negro e ao Mar Caspio para encontrar unha especie emparentada, Desmana moschata, moito máis grande e de ecoloxía diferente, pois habita ríos de pouca corrente.

Precisamente a toupa de río será a especie que protagonice a primeira entrega desta serie de entradas dirixidas a coñecer os perigos que representan os grandes incendios para a súa conservación. Agardamos que sexan do voso interese.

Foto: X. Mouriño

Foto: SEO

Foto: P. Alonso








Comentarios

Publicar un comentario

Publicacións populares deste blog

O devalo premeditado dun país: o abandono dos serradoiros de castiñeiro e piñeiro

-
Imaxe
Na anterior entrada fixemos un breve comentario sobre a pequena industria que existía no país   arredor da produción de madeira nobre de árbores frondosas autóctonas. E citabamos a importancia e relevancia alcanzada por algún dos serradoiros galegos, como o de Moneixas, propriedade de Manuel Riádigos, finado hai xa anos. E como a administración galega, esa dominada polo Club do Tangaraño, tamén coñecido como PPdeG, deixaba esmorecer un recurso de enorme potencialidade, experiencia e coñecemento. Como muitas veces vale máis unha imaxe que mil palabras, recuperamos aquí un vídeo que se gravou hai xa case 20 anos. E aproveitamos para vos apresentar a extensión no YouTube deste IncenDiario, que ha levar por nome Canal IncenDiario . Con certa periodicidade incorporaremos material audiovisual que consideremos interesante para mellor comprender algunhas das ideas que defendemos neste humilde blog. No vídeo do que falamos, que leva por título Historias forestais , aparecen dous exemplos...
Ler máis

Incendios e fauna en perigo (e IV): o lobo (Isabel Barja)

-
Imaxe
Isabel Barja Núñez, nacida en Campobecerros (Castrelo do Val), doutora en Ciencias Biolóxicas e profesora titular do Departamento de Bioloxía da Universidade Autónoma de Madrid. Centra o seu labor de investigación nun amplo número de especies animais e en diferentes disciplinas ou aspectos das ciencias da vida, pero é unha das investigadoras que mellor coñece as interioridades do lobo, desde o seu comportamento trófico e de marcaxe territorial, até as circunstancias que acompañan e provocan elevados índices de estrés na poboación, desenvolvendo un notábel traballo neste último aspecto a través do estudo das oscilacións da presenza de indicadores hormonais debido ás perturbacións humanas. Nacida nunha aínda dinámica aldea da montaña de Ourense á que volta todos os meses, era obrigado e é un placer te-la de convidada. Pregunta (P): Desde hai uns 15 anos, pero especialmente nos derradeiros cinco, vense evidenciando a gravidade que supón a ameaza dos incendios para numerosos territorios e ...
Ler máis

Para que vale o Black Hawk UH 60, o xoguetiño da Conselleira?

-
Imaxe
  Para entender o flamante contrato do UH-60L Black Hawk asinado pola Xunta coa empresa Airworks Helicopters, de Salamanca, e máis o futuro despregamento deste tipo de aeronaves no Estado Español e no resto da Europa máis afectada e sensibilizada polo desafío dos megaincendios, convén que introduzamos algúns factores e botemos man doutros detalles non banais. Para, posteriormente, centrármonos na análise da eficiencia destes aparellos no combate aéreo dos incendios. Vamos con un deses factores necesarios, pero non suficientes..: o colapso Kamov. O denominado colapso dos helicópteros Kamov en Europa refírese á parálise total e á retirada de servizo destas aeronaves rusas de extinción de incendios a raíz das sancións impostas pola Unión Europea á Federación Rusa. Esta situación provocou unha perda de até o 30% na capacidade de descarga e extinción de incendios forestais en países do sur de Europa, especialmente no Estado Español e Portugal, que dependían enormemente do modelo Kamo...
Ler máis