Morrer na estrada fuxindo do lume
Hai xa quen,
á vista das nosas reflexións e avisos sobre emerxencia civil por incendios, anda
dicindo que non hai que alimentar o alarmismo nin deixarse dominar polo histerismo.
Xa temos falado nalgunha destas entradas da práctica política da “patada a
seguir”, como se fai no rugby. Consiste en botar terra sobre a memoria recente,
ocultar a realidade e gañar tempo despois de desastres con clara
responsabilidade política, como se non tivese pasado nada. No PP son especialistas
na “patada a seguir”.
Pois só vamos
colocar aquí uns enlaces a noticias que recollen catro dos sucesos máis graves
en relación coa emerxencia civil por incendios. E acompañarémolos coas tráxicas
imaxes de como apareceron os coches onde trataban de fuxir do lume algunhas das
vítimas do incendio de Pedrógao Grande. Volveremos aí por primavera sobre este
tema, para analizar en detalle que tan fácil é que se produzan estas desgrazas.
O primeiro
enlace é a unhas declaracións dun familiar de tres das vítimas dese citado lume
en Portugal de hai 8 anos. A segunda noticia recolle os argumentos da filla
dunha das mulleres que faleceron no lume de Cerdedo de 2006, atrapadas polo
fume e as lapas na estrada nacional 541 (non unha estradiña local, unha estrada
nacional!), que, segundo se di, non se encontraba cortada nin se informara sobre o perigo de
usa-la como vía de escape. Finalmente, dous enlaces a dous casos deste pasado
verán, que sitúan claramente estes megaincendios, en calquera momento, na contorna
dunha enorme traxedia como a de Portugal. Aquí os deixamos:
E agora van esas imaxes de hai 8 anos en Portugal:
Comentarios
Publicar un comentario