IncenDiario🔥

Esta entrada é só para deixar constancia do impacto do lume no macizo da Pena Trevinca. A súa intensidade fixo arder mesmo as queirugas que medran á beira dos brañeiros. Difícil (imposíbel) será evitar a erosión e chegada masiva de borrallo aos cursos de agua. A recuperación da vexetación levará o seu tempo. Se as secas estivais son tan intensas como a deste ano, podemos afacernos a ver arder novamente estas montañas en pouco tempo, por incendios provocados ou pola caída de raios. Aquí queda unha pequena reportaxe fotográfica. O Picón e cabeceira do Rego do Lago da Baña Lagoa do Picón e contorna Valgada do Regato do Penedo Pacas de herba depositadas desde helicóptero no borde da Lagoa da Serpe (Regato do Penedo) Teixos e fraga no Regato do Penedo  Algúns rebolos e carballos ao redor dos teixos teñen sufrido danos importantes pola intensidade do lume Corda do Picón a Pena Vidulante Intensidade do lume nas brañas da vertente leste da Pena Trevinca Intensidade do lume nas brañas ...

  En poucos días vaise cumprir un ano da traxedia que sacudiu València nas inundacións da famosa DANA do 29 de outubro de 2024. E na actualidade van pouco máis de dous meses e medio do tsunami de lume que varreu comarcas enteiras do oeste, noroeste e norte peninsular. Auga e lume en proporcións xigantescas, desatados sen posibilidade de control en dous episodios de destrución masiva e en pouco tempo. En ambos os casos, a ciencia meteorolóxica interpreta que son sinais inequívocas dun novo patrón climático e das súas derivadas colaterais. Pero hai quen se obstina en negar as evidencias, desvalorizar as emerxencias e meter a cabeza no burato coma os avestruces, pensando que todo o corpo está a cuberto. Kim Phúc e outros nenos fuxen das bombas do exército dos USA no Vietnam. Curioso.., o ácido na fténico e o palm ítico, compostos principais do napalm , forman parte da composición das coníferas.. A memoria do ser humano é selectiva. Sublima os momentos gloriosos e arroxa a recunchos e...

  “A raposa muda de pel pero non de hábitos” Cayo Suetonio   Novamente volvemos saír do camiño que inicialmente nos marcaramos como instrumento pedagóxico e de propaganda ambiental en materia de loita contra os incendios. E desta vez, de volta, para saír ao paso de quen pretende aparentar. Como a raposa que se achega ao galiñeiro finxindo estar ferida.. Vamos pois. Chéganos esta convocatoria:   A denominación da xornada e quen a convoca xa estimula a desconfianza. A primeira observación ten relación co feito de que a xestión forestal é só unha parte do que debe ser a xestión do monte. Parece que o corporativismo silvícola condiciona a certo funcionariado para o correcto uso da lingua. A segunda, porque ese corporativismo e ese funcionariado, como veremos, se poderían incluír na liña de continuidade ininterrompida que desde os tempos do Patrimonio Forestal del Estado ata a actualidade dirixiu e practicou a política “do monte” que inspira a quen convoca a tal xornad...

  “De cando en vez di a verdade, para que te crean cando mentes» Jules Renard   Vámonos apartar momentaneamente da nosa liña de contidos para saír ao paso dunha nota de prensa oficial. Porque esta semana pasada sorprendíanos unha nota de prensa da Consellería de Medio Ambiente, comandada pola inefábel Ángeles V. Remitida a todos os medios de comunicación, lémo-la en El Progreso e en La Región. No primeiro parágrafo da nota: “A Xunta repartiu nun mes máis de 105,6 toneladas de alimentos para a fauna silvestre en zonas afectadas polos incendios do verán en Galicia, grazas os traballos dos axentes medioambientais realizados por terra e a varios voos que executaron a técnica de helimulching. Esta iniciativa, que senta as bases para futuras intervencións de recuperación ambiental, está a servir para asegurar que animais de diferentes especies permanezan nos seus hábitats naturais” Inferimos que, como indicáramos nunha entrega anterior, a citada consellería puxo a funciona...

  Neste verán de 2025 non só ardeu a Península Ibérica. No Canadá arderon, ata o 16 de setembro, case 9 millóns de hectáreas en 5.349 incendios. Outras áreas nas que o lume está a golpear como nunca antes son o norte e oeste europeos (Reino Unido, Irlanda ou Francia, entre outros) ou a Federación Rusa, especialmente no leste e norte siberiano (en 2024 arderon case 9 millóns de hectáreas e a 13 de maio deste 2025 computábanse unhas 630.000). Non hai dúbida de que as altas temperaturas, antes extraordinarias e hoxe frecuentes na primavera, están detrás do adiantamento da tempada de lumes en Siberia e norte da Federación Rusa. E as vagas de calor extremo preparan o terreo para a propagación e desenvolvemento de   voraces incendios estivais. É un feito que ese calor extremo deixa grandes extensións do Planeta listas para arder coa simple caída dun raio. E que a evolución recente da superficie queimada é de crecemento moderado acompañado de picos en anos dramáticos. Basta botar unh...