Para entender o flamante contrato do UH-60L Black Hawk asinado pola Xunta coa empresa Airworks Helicopters, de Salamanca, e máis o futuro despregamento deste tipo de aeronaves no Estado Español e no resto da Europa máis afectada e sensibilizada polo desafío dos megaincendios, convén que introduzamos algúns factores e botemos man doutros detalles non banais. Para, posteriormente, centrármonos na análise da eficiencia destes aparellos no combate aéreo dos incendios. Vamos con un deses factores necesarios, pero non suficientes..: o colapso Kamov. O denominado colapso dos helicópteros Kamov en Europa refírese á parálise total e á retirada de servizo destas aeronaves rusas de extinción de incendios a raíz das sancións impostas pola Unión Europea á Federación Rusa. Esta situación provocou unha perda de até o 30% na capacidade de descarga e extinción de incendios forestais en países do sur de Europa, especialmente no Estado Español e Portugal, que dependían enormemente do modelo Kamo...
Obter ligazón
Facebook
X
Pinterest
Correo electrónico
Outras aplicacións
A dignidade e a vergoña.., un brigadista e un Goberno
Obter ligazón
Facebook
X
Pinterest
Correo electrónico
Outras aplicacións
-
“A dignidade da natureza
humana require que enfrontemos as tormentas da vida.“
Mahatma
Gandhi
“Amarga é a pena que nace da
vergoña.”
Séneca
O encabezamento dunha nova
aparecida o dia 19 deste mes de abril no xornal máis lido do país non deixa
lugar á dúbida:
“ La profesora e investigadora de la Universidad de
Oporto experta en incendios forestales, Fantina Tedim, dice que en un incendio
extremo no funcionan los recursos de extinción”
Hai unhas semanas, a Xunta aprobou
o Pladiga de 2026. Sen novidades substanciais. Continuísmo na abordaxe do
problema. Non se albiscan intencións de mudar a forma de enfrontar esa nova
tipoloxía de incendios. A prevención segue a ser unha focaxe menor, mentres a
extinción continúa a mobilizar o maior esforzo de investimento. A pesar dos
chamados que desde múltiplas frontes se lle ten feito ao Presidente Pneumático,
o único que se ten conseguido é unha aparente mobilización dos concellos para
insistir á veciñanza de que ten que limpar as fincas. Aquel anuncio de que a
Xunta se encarregaría de xestionar as faixas secundarias parece que non se
concretou nin en partidas orzamentares nin en persoal laboral suficientes para
executar os labores precisos, que non son poucos.
O lume xa deu aviso este ano.
Carballo, Ponteareas e A Laracha viron arder ducias de hectáreas. As
temperaturas xa subiron de 27 graos en comarcas como O Ribeiro, Ourense ou
Compostela. E aínda non estamos en maio ou xuño.
A inacción é unha das peores eivas
dun goberno. Suponse que é o resultado da incapacidade para comprender e, por
tanto, a imposibilidade de planificar e actuar. Pero tamén pode ser inacción
dolosa, é dicir, non se fai nada porque non se quere facer nada. Porque se
prefire o statu quo. E iso supón aceptar
os danos e a traxedia.
Recentemente, o xornal La Región publicou unha extensa
entrevista con Iago Nogueira, o rapaz de Oimbra que resultou gravemente ferido
polo lume no incendio que se desatou nese concello o día 12 de agosto de 2025.
O primeiro que se percibe é a dignidade e a enteireza coa que este rapaz
afronta o presente. Debe ser unha persoa extraordinaria. O feito de decidir
ofrecerse voluntario o día no que non lle tocaba traballar no servizo de
extinción, porque descansaba, xa confirma que se trata dun mozo con enorme
conciencia da gravidade do lume e das necesidades do rural, comprometido co seu
pobo e coa súa natureza. Pero o que sorprende gratamente e a súa determinación
para superar a realidade adversa. Demostra a dignidade que tantas persoas ansiamos para este pobo.
Fronte esa entrega e xenerosidade,
encontramos o escurantismo e a opacidade, a chantaxe e as coaccións, a
falsidade e a mentira, as corruptelas e os compadreos, a incapacidade, a
soberbia e a INACCIÓN. En definitiva, a vergoña
dun goberno que acabará superado polos feitos. Da sociedade galega, no seu
conxunto, depende que esta lacra non nos traia máis desgrazas.
Deixovos unha xoia, para insistir en
que non padecemos nengunha maldición divina. Shawn James e The curse of the fold.
Na anterior entrada fixemos un breve comentario sobre a pequena industria que existía no país arredor da produción de madeira nobre de árbores frondosas autóctonas. E citabamos a importancia e relevancia alcanzada por algún dos serradoiros galegos, como o de Moneixas, propriedade de Manuel Riádigos, finado hai xa anos. E como a administración galega, esa dominada polo Club do Tangaraño, tamén coñecido como PPdeG, deixaba esmorecer un recurso de enorme potencialidade, experiencia e coñecemento. Como muitas veces vale máis unha imaxe que mil palabras, recuperamos aquí un vídeo que se gravou hai xa case 20 anos. E aproveitamos para vos apresentar a extensión no YouTube deste IncenDiario, que ha levar por nome Canal IncenDiario . Con certa periodicidade incorporaremos material audiovisual que consideremos interesante para mellor comprender algunhas das ideas que defendemos neste humilde blog. No vídeo do que falamos, que leva por título Historias forestais , aparecen dous exemplos...
Isabel Barja Núñez, nacida en Campobecerros (Castrelo do Val), doutora en Ciencias Biolóxicas e profesora titular do Departamento de Bioloxía da Universidade Autónoma de Madrid. Centra o seu labor de investigación nun amplo número de especies animais e en diferentes disciplinas ou aspectos das ciencias da vida, pero é unha das investigadoras que mellor coñece as interioridades do lobo, desde o seu comportamento trófico e de marcaxe territorial, até as circunstancias que acompañan e provocan elevados índices de estrés na poboación, desenvolvendo un notábel traballo neste último aspecto a través do estudo das oscilacións da presenza de indicadores hormonais debido ás perturbacións humanas. Nacida nunha aínda dinámica aldea da montaña de Ourense á que volta todos os meses, era obrigado e é un placer te-la de convidada. Pregunta (P): Desde hai uns 15 anos, pero especialmente nos derradeiros cinco, vense evidenciando a gravidade que supón a ameaza dos incendios para numerosos territorios e ...
Para entender o flamante contrato do UH-60L Black Hawk asinado pola Xunta coa empresa Airworks Helicopters, de Salamanca, e máis o futuro despregamento deste tipo de aeronaves no Estado Español e no resto da Europa máis afectada e sensibilizada polo desafío dos megaincendios, convén que introduzamos algúns factores e botemos man doutros detalles non banais. Para, posteriormente, centrármonos na análise da eficiencia destes aparellos no combate aéreo dos incendios. Vamos con un deses factores necesarios, pero non suficientes..: o colapso Kamov. O denominado colapso dos helicópteros Kamov en Europa refírese á parálise total e á retirada de servizo destas aeronaves rusas de extinción de incendios a raíz das sancións impostas pola Unión Europea á Federación Rusa. Esta situación provocou unha perda de até o 30% na capacidade de descarga e extinción de incendios forestais en países do sur de Europa, especialmente no Estado Español e Portugal, que dependían enormemente do modelo Kamo...
Comentarios
Publicar un comentario